krokodilo                                 verda krokodilo

Ludoj1

KoKoLoRES – LA renkontiĝo por ludemuloj!

Kafoklaĉo Kaj Ludoj dum REnkontiĝo Semajnfina

16-a KoKoLoRES: 30-a de septembro (vendredo) ĝis 3-a de oktobro 2016 (lundo) en Schwerte, Ruhr-regiono, Germanio. La 3-a de oktobro (lundo) estas germana festotago.

Se vi ŝatas ludi, babili, renkonti homojn kaj viziti interesan parton de la Ruhr-regiono , germane „Ruhrgebiet “, venu al la KoKoLoRES en Schwerte , inter Dortmund kaj Hagen, Germanio.

Amika renkontiೕo ABELO: Apud-Berlina Esperanto-LudadO

Kompreneble ni havos multajn ludojn, kafon, kukon & klaĉon. Ĉu vi havas ludojn, muzikon, (lum)bildojn ktp, kiujn vi ŝatas prezenti? Ne hezitu kunporti ilin!

Alveno je vendredo, la 30-a de septembro, ekde la 17-a horo. Ni restos ĝis posttagmeze je lundo, la 3-a de oktobro, kiu estas nacia festotago en Germanio.

Ni loĝos en domo de la naturamika asocio. En la domo ni disponos pri du grandaj salonoj, bone ekipita kuirejo, teraso kaj 4 diversgrandaj dormĉambroj kun entute 22 litoj. Detalojn pri la domo vi trovas ĉe http://www.naturfreundehaus-schwerte.de/haus.html .

Proksime troviĝas bela arbaro, en kiu oni laŭplaĉe povas sekvi diverslongajn promen- kaj migradvojojn.

Kiel kutime ni komune kuiros, tre multe ludos kaj sabate ekskursos al interesa loko. Ekzemple en 2012 al la Apoteka Muzeo  en la najbara urbo Dortmund. En 2011 ni vizitis la telekomunikadan muzeon  en Bochum.

naturamika domo de antaŭe

Adreso de la ejo:

Naturfreundehaus, Waldstraße 30, 58239 Schwerte, Germanio.
Geografiaj koordinatoj por via navigilo (GPS):
+51.465, +7.571 aŭ
51.465°N  7.571°E aŭ
51° 27' 54"  7° 34' 15,5".
Ĉe Google mapoj 

Atingebloj per publika transporto (longdistance):

Per trajno
serĉu ĉe „bahn.de“ . La plej proksima stacidomo estas Schwerte. Ankaŭ de Dortmund estas rektaj busoj ĝis 1 km de la ejo (vidu sube). Ŝparbiletoj ekvendiĝas 92 tagoj antaŭe.

Per buso
serĉu ĉe „busliniensuche.de“ . Taŭgas ekzemple Dortmund, Hagen, Bochum kaj Essen.

Per aviadilo:
La plej proksima flughaveno estas Dortmund (= Holzwickede), taŭgas ankaŭ Düsseldorf, Weeze kaj Köln-Bonn.


Atingebloj per publika transporto (surloke):

La domo estas proksimume 4 km for de la centro de Schwerte kaj tre bone atingebla: Pliaj informoj:

Kelkaj ŝpareblecoj veturante trajne al nia renkontiĝo, precipe kelkope
De lundo ĝis vendredo, ankaŭ se estas festotago: „ Quer-durchs-Land-Ticket“ .
Je sabato aŭ dimanĉo: „Schönes-Wochenende-Ticket“ .
En la federacia lando „Nordrhein-Westfalen“ eblas uzi „ SchönerTagTicket“ ,. Ĝi tie validas en ĉiuj lokaj trajnoj, metrooj, tramoj kaj busoj.

Atingeblo per aŭto:

Atentu: Google mapoj  jam korekte gvidas vin, ĉar ĝi scias ke parto de la strato „Waldstraße“ estas ne trafikebla por aŭtoj, sed multaj navigiloj ankoraŭ ne scias. Tial jenaj korektoj:

Se vi alvenas de sude: Tuj post la aŭtoŝoseo A 1 veturu jam ĉe la trafiklumo dekstren al „Heidestraße“ kaj poste maldekstren al „Alter Dortmunder Weg“. Se via navigilo misgvidas vin de la B 236 dekstren al „Waldstraße“, vi atingos la malĝustan finon de ĝi. Pluveturu ĝis „Freischütz“, turniĝu tie kaj reveturu ĝis la trafiklumo kaj tie maldekstren al „Heidestraße“.

Se vi alvenas de norde: Post vi preterpasis „Freischütz“ ignoru se via navigilo jam ie en la arbaro sendas vin maldekstren al al „Waldstraße“. Pluveturu ĝis la venonta trafiklumo, tie maldekstren al „Heidestraße“, poste maldekstren al „Alter Dortmunder Weg“.

Aliĝo:

Vian aliĝon kun la kutimaj informoj sendu al:
Petra Dückershoff
Auf der Panne 74 a
D-44805 Bochum
retpoŝto: petra.dueckershoff@esperanto.de
Poŝtelefono de Petra: +49-(0)151-14438074. Reto: D1 Telekom. Ankaŭ dum la renkontiĝo.

Kotizo:

Tuttempaj partoprenantoj pagas 60 €. Tio inkluzivas manĝon kaj litotukojn.
La prezo por unuopa tranokto inkluzive manĝo estas po 18 €, krome unufoje 6 € por litotukoj.
Litotukoj estas pagendaj, ne eblas/indas kunporti dormsakojn aŭ proprajn matracojn.
Sekigtukojn bv. mem kunporti.
Gastoj kiuj ne tranoktas pagu 4 €.
Kafo kaj teo estas inkluzivaj, aliajn trinkaĵojn ni finkalkulas laŭ strekolisto.

Fruaj aliĝoj tre faciligas la planadon! Pliajn informojn mi volonte peras skribe aŭ telefone.

Venu kaj ĝuu!

P.S.: Ne forgesu:

  • aliĝi
  • kunporti ludojn kaj bonan humoron
  • je vendredo ne alveni antaŭ la 17-a horo


Por via longtempa planado:

KoKoLoRES 2017:
Planita: 29-a de septembro 2017 (vendredo) ĝis 3-a de oktobro (mardo) 2017. Unu tagon pli longe, ĉar la 3-a de oktobro (mardo) estas festotago en Germanio.
Se la ejo liberos, ni subskribos kontrakton kun la ejo en oktobro 2016.

KoKoLoRES 2018:
Planita: finde de septembro ĝis komence de oktobro 2019, inkluzive la 3-a de oktobro (merkredo) kiu estas festotago en Germanio.
Se la ejo liberos, ni subskribos kontrakton kun la ejo en oktobro 2017.

KoKoLoRES 2019:
Planita 2-a de oktobro (merkredo) ĝis 6-a de oktobro 2019 (dimanĉo). Unu tagon pli longe, ĉar la 3-a de oktobro (ĵaŭdo) estas festotago en Germanio.
Se la ejo liberos, ni subskribos kontrakton kun la ejo en oktobro 2018.

Tiu ĉi paĝo: www.krokodilo.de/kokolores/kokolores.php

pasinta aktualigo: 22-a de junio 2016