krokodilo                                 verda krokodilo

Ludoj1

KoKoLoRES – LA renkontiĝo por ludemuloj

14-a Kafoklaĉo Kaj Ludoj dum REnkontiĝo Semajnfina
2-a ĝis 5-a de oktobro 2014
Nova loko: Schwerte, inter Dortmund kaj Hagen.

(planita por 2015:
15-a KoKoLoREs 1-a ĝis 4-a de oktobro 2015)

Se vi ŝatas ludi, babili, renkonti homojn kaj viziti interesan parton de la Ruhr-regiono, germane „Ruhrgebiet“, venu al la KoKoLoRES en Schwerte .

Kompreneble ni havos multajn ludojn, kafon, kukon & klaĉon. Ĉu vi havas ludojn, muzikon, (lum)bildojn ktp, kiujn vi ŝatas prezenti? Ne hezitu kunporti ilin!

Alveno ĵaŭde, la 3-a de oktobro, ekde la 17-a horo. Ni restos ĝis posttagmeze dimanĉe, la 6-an de oktobro. La 3-a de oktobro estas nacia festotago en Germanio.

naturamika domo de antaŭe

Ni loĝos en domo de la naturamika asocio. En la domo ni disponos pri du grandaj salonoj, bone ekipita kuirejo, teraso kaj 4 diversgrandaj dormĉambroj kun entute 22 litoj. Detalojn pri la domo vi trovas ĉe http://www.naturfreundehaus-schwerte.de/haus.html .

Proksime troviĝas bela arbaro, en kiu oni laŭplaĉe povas sekvi diverslongajn promen- kaj migradvojojn.

Kiel kutime ni komune kuiros, tre multe ludos kaj sabate ekskursos al interesa loko. Ekzemple en 2012 al la Apoteka Muzeo  en la najbara urbo Dortmund. En 2011 ni vizitis la telekomunikadan muzeon .

Atingebloj:

Adreso de la ejo: Waldstraße 30, 58239 Schwerte, Germanio.
Geografiaj koordinatoj por via navigilo (GPS):
+51.465, +7.571 aŭ
51.465°N  7.571°E aŭ
51° 27' 54"  7° 34' 15,5".
Ĉe Google mapoj 

Atingeblo per aŭto:

Atentu: Google mapoj  jam korekte gvidas vin, ĝi scias ke parto de la strato „Waldstraße“ estas ne trafikebla por aŭtoj, sed multaj navigiloj ankoraŭ ne scias tion! Tial jenaj korektoj:

Se vi alvenas de sude: Tuj post la aŭtoŝoseo A 1 veturu jam ĉe la trafiklumo dekstren al „Heidestraße“ kaj poste maldekstren al „Alter Dortmunder Weg“. Se via navigilo misgvidas vin de la B 236 dekstren al „Waldstraße“, vi atingos la malĝustan finon de ĝi. Pluveturu ĝis „Freischütz“, turniĝu tie kaj reveturu ĝis la trafiklumo kaj tie maldekstren al „Heidestraße“.

Se vi alvenas de norde: Post vi preterpasis „Freischütz“ ignoru se via navigilo jam ie en la arbaro sendas vin maldekstren al al „Waldstraße“. Pluveturu ĝis la venonta trafiklumo, tie maldekstren al „Heidestraße“, poste maldekstren al „Alter Dortmunder Weg“.

Atingeblo per publika transporto:

La domo estas proksimume 4 km for de la centro de Schwerte, sed tre bone atingebla per buslinio C31 de la stacidomo Schwerte aŭ per linio 430 (vespere 435, nokte NE25) de la stacidomo Dortmund-Hörde. Veturu ĝis la bushaltejo „Schwerterheide“, finhaltejo de la buso. Tie komenciĝas jam la „Waldstraße“. Piediru laŭ ĝi nur kelkajn minutojn ĝis la naturamika domo. Pliaj informoj:

Kelkaj ŝpareblecoj veturante trajne al nia renkontiĝo, precipe kelkope
De lundo ĝis vendredo, ankaŭ se estas festotago: „Quer-durchs-Land-Ticket“ .
Je sabato aŭ dimanĉo: „Schönes-Wochenende-Ticket“ .
En la federacia lando „Nordrhein-Westfalen“ eblas uzi „SchönerTagTicket“ ,. Ĝi tie validas en ĉiuj lokaj trajnoj, metroo, tramoj kaj busoj.


Aliĝon kun la kutimaj informoj sendu al:
Petra Dückershoff
Auf der Panne 74 a
D-44805 Bochum
retpoŝto: petra.dueckershoff@esperanto.de
Poŝtelefono de Petra: +49-(0)151-14438074. Reto: D1. Ankaŭ dum la renkontiĝo.

Kotizo:

La prezo por unuopa tranokto inkluzive manĝo estas 15 €. (Gastoj kiuj ne tranoktos pagu kiel antaŭe 3 €.) Oni devas krome pagi por litotukoj 6 € (ekde la unua nokto), tial ne plu eblas/indas kunporti dormsakojn aŭ proprajn matracojn. Do la prezo por tuttempaj partoprenantoj estos 51 €.

Tre faciligas la planadon fruaj aliĝoj!! Pliajn informojn mi volonte peras skribe aŭ telefone.

Venu kaj ĝuu!


P.S.: Ne forgesu:

  • aliĝi
  • kunporti ludojn kaj bonan humoron
  • je ĵaŭdo ne alveni antaŭ la 17-a horo

Tiu ĉi paĝo: www.krokodilo.de/kokolores/kokolores.php, aŭ pli facile memorebla: esperanto.de/kokolores

pasinta aktualigo: 25-a de aprilo 2014